பெயரெச்சம் வகை அறிதல்
• பெயரெச்சம் என்பது பெயர்ச்சொல்லை கொண்டு முடியும் எச்சவினைச்சொல் பெயரெச்சம் ஆகும். • பெயரெச்சத்தைக் காலம் காட்டும் முறையின் அடிப்படையில், தெரிநிலைப் பெயரெச்சம், குறிப்புப் பெயரெச்சம் என இரு வகைப்படுத்துவர்.
1. தெரிநிலைப் பெயரெச்சம்
- காலத்தை வெளிப்படையாகக் காட்டும் பெயரெச்சம், தெரிநிலைப் பெயரெச்சம் எனப்படும்.
- பால் விகுதி காட்டும்.
- இடைநிலை அல்லது விகுதியைக் கொண்டு பெயரெச்சம் காலம் காட்டும்.
- அ, உம் ஆகிய இரண்டு விகுதிகள் தெரிநிலைப் பெயரெச்சத்தில் இடம்பெறுகின்றன.
(எ.கா)
| இறந்தகாலப் பெயரெச்சம் |
படித்த மாணவன்.
('ட்' இறந்தகால இடைநிலை) |
| நிகழ்காலப் பெயரெச்சம் |
படிக்கின்ற மாணவன்.
('கின்று' நிகழ்கால இடைநிலை) |
| எதிர்காலப் பெயரெச்சம் |
படிக்கும் மாணவன்.
('உம் பெயரெச்ச விகுதி) |
இறந்தகாலத்தையும், நிகழ்காலத்தையும் இடைநிலைகள் உணர்த்துகின்றன. எதிர்காலத்தை விகுதி உணர்த்துகிறது.
2. குறிப்புப் பெயரெச்சம்
- பெயர் அடியாகப் பிறந்து, காலத்தைக் குறிப்பாக உணர்த்தும் பெயரெச்சம் குறிப்புப் பெயரெச்சம் எனப்படும்.
- குறிப்புப் பெயரெச்சம் ‘அ’ என்னும் விகுதியைப் பெற்று வரும்.
(எ.கா)
• சிறிய பையன்
• புதிய பாடம்
• அழகிய கவிதை
இவை முறையே சிறுமை, புதுமை, அழகு ஆகிய பெயர்களின் அடியாகப் பிறந்தவை. நேற்றுச் சிறிய பையன், இன்று சிறிய பையன், நாளை சிறிய பையன் எனச் சூழ்நிலைக்கு ஏற்பக் குறிப்புப் பெயரெச்சம் காலத்தைக் குறிப்பாக உணர்த்தும்.
|
